İtaliyanın “Ferrari” şirkəti yeni modellərini təqdim edib
“Ölkə.Az” xəbər verir ki, şirkət “Monza SP1” və “SP2” superkarlarını gün işığına çıxarıb.
Məhdud sayda istehsal ediləcək modellər 1950-ci illərdəki “Speedster”dən ilhamlanaraq yaradılıb. İki model arasındakı ən böyük fərq isə oturacaq sayıdır.
“SP1” modelində sadəcə sürücü üçün oturacaq var. “SP2” modelində isə sürücü ilə yanaşı sərnişin üçün də oturacaq nəzərdə tutulub. Kapotun altında 6.5 litr həcmli V12 mühərriki var. Aqreqat 820 at gücü hasil edir.
Bu güc sayəsində avtomobillər yerindən 100 km/saat sürəti cəmi 2.9 saniyəyə əldə edir. 200 km/saat sürət üçün isə cəmi 7.9 saniyə vaxt lazımdır. Avtomobilin maksimal sürəti 300 km/saatdır.
Qeyd edək ki, avtomobilin ön şüşəsi yoxdur və sürətlə hərəkət edərkən sürücü “F1” pilotunun yaşadığı hissləri yaşayır.
Şərhlər
Şərhləri göstər Şərhləri gizlət