Facebook bir hesabdan verilən reklam sayında məhdudlaşdırmalar edəcək

Facebook 2020-ci ilin ortalarından bir hesabdan verilən reklam sayında məhdudlaşdırmalar edəcək.
Bir necə gün  öncə Facebook elan etdi ki, eyni hesabdan eyni anda bir necə reklamın aktiv olunmasında məhdudlaşdırmalar edəcəkdir. Bu məsələ 2020-ci ilin ortalarında qüvvəyə minəcəkdir. Əlbətdə daha çox kiçik reklam şirkətlərinə və SMM menecerlərinə təsir göstərəcəkdir. Ad Volume Api-sən istifadə edərək səhifələrdə verilən reklam saylarını müəyyənləşdirəcəklər və yeniləmə vasitəsilə səhifədə eyni anda nə qədər reklam vermə limiti də görünəcəkdir.
Facebook məhdudlaşdırılmanın əsas səbəbi olaraq qeyd edir ki, həddindən artıq reklamın verilməsi reklam verənin effektivliyini azalda bilir. Həddindən çox reklamların verilməsi (xüsusilə kiçik büdcə ilə) az sayda reklamın öyrənilmə fazasından çıxa bilməsinə gətirib çıxarda bilir ki, daha az reklam böyük büdcəni xərcləyə bilir. Çox zaman reklamlar “in review” , “learning” stadiyalarında olur ki, sonradan heç aktivləşə bilmir. Ona görə də daha effektli reklamların verilməsi üçün Facebook gələn ilin ortalarından limitləmələr edəcəkdir ki, indidən rəqəmsal marketinq sahəsində olan şəxslər özlərini dəyişikliklərə hazırlaya bilərlər.