Ərdoğan-Putin razılaşması: Əgər Əsəd əməl etməsə... - İsti şərh

Atəşkəs silahlı atışmaların dayandırılmasını özündə əks etdirir, amma eyni zamanda da diplomatik səylərin davam etdirilməsinə əsas olmalıdır.

Axar.az xəbər verir ki, bu sözləri türkiyəli ekspert, professor Kutay Qaraca Ərdoğan-Putin görüşü ilə bağlı şərhində deyib.

“Bundan sonra təbii ki, orada (İdlib) provokativ olaylar baş verə bilər. Amma heç bir önəmi yoxdur. Bu prosesdə orada qalıcı status-kvo yaratmaq üçün diplomatik fürsət ələ düşə bilər. Diplomatiyanı idarə etmək üçün silahların susması lazımdır. Hər nə qədər 14-cü atəşkəs olsa da, Türkiyə və Rusiya prosesin daxilində olmaqla yeni quruluş ortaya çıxacaq. Əsəd rejiminin daxilində Hizbullah təşkilatının qrupları yer alır. Bu qruplar da önəm kəsb edir. Əsəd rejimi atəşkəsə riayət etməzsə, uduzan tərəf olacaq. Sərakib - rus-türk zonası kimi bir qavramı ortaya çıxarır”, - deyə Qaraca son görüşlə bağlı bildirib.

Qeyd edək ki, bu gün Ərdoğanla Putin Kremldə Suriya ilə bağlı razılaşmalar əldə ediblər. Bu razılaşmaların birincisi isə bu gecədən atəşkəsin elan edilməsidir.