Ən çox "qızan" smartfonlar açıqlandı

Realme markasının aparatları həddindən artıq qızmaya meylli smartfonlar adlandırıldı. Ens.az bildirir ki, bu barədə Çinin MyDrivers nəşri xəbər verir.

 Tədqiqat çərçivəsində Asiya markalarından olan smartfonlar sınaqdan keçirilib.  Məlum olub ki, "ən soyuq" smartfonlar Vivo-dan olan telefonlardır.  Korpusun və marka cihazlarının komponentlərinin orta temperaturu 30- 56 dərəcədir.  İkinci və üçüncü yerləri Samsung və Oppo qadjetləri tutub,  əməliyyat zamanı  onların ortalama temperaturu müvafiq olaraq 31.08 və 31.15 dərəcə təşkil edib.

 Realme cihazları,  orta istiliyi təxminən 33,18 dərəcə təşkil edərək ən "qaynar" telefonlar olub.  Ümumi reytinqdə korpusu 43,05 dərəcəyə qədər qızan  Nokia 9 PureView-də ən yüksək temperatur qeydə alınıb.

 Həmçinin sınaqlarda iştirak edən bütün smartfonların toplu reytinqi tərtib edilib. Ən aşağı temperatur Vivo U3x -də müşahidə olunub, aktiv iş zamanı korpusu yalnızca 27.96 dərəcəyə qədər qalxıb. Samsung Galaxy M30s, Xiaomi Redmi 8 və Redmi 8A, vivo Y3 də qızmaya daha az meyl edən cihazlar olaraq siyahının başında yer alıblar.

 Daha əvvəl ekspertlər smartfonun yüksək temperaturunun, xüsusən də istilərdə,  cihazın dağılmasına və alışmasına səbəb ola biləcəyini söyləmişdilər.  Mütəxəssislər, telefonların özlərinin cox qızmadan müdafiəyə malik olduğunu açıqladılar, ancaq cihaz xarici amillər səbəbilə də qıza bilər.  Bu kimi hallarda qadjetin soyuducuya yerləşdirilməsi kimi radikal soyutma tədbirlərinə əl atmaq olmaz. Ekspertlər  smartfonun  yavaş və temperatur dəyişikliyi olmadan soyumasını tövsiyə edir.

Mənbə: lenta.ru