Dünyada sadəcə 3 ölkədə olan maral təsvirli saxsı sərgilənib

Dünyada sadəcə 3 ölkədə olan maral təsvirli saxsı sərgilənib

Türkiyənin ən əhəmiyyətli turizm mərkəzlərindən olan Kapadokya bölgəsində xismət göstərən muzeydə sərgilənən 3 min 200 illik maral təsvirli saxsıdan dünyada sadəcə 3 ədəd qalıb.

Metbuat.az Türkiyə mediasına istinadla bildirir ki, dünyada sadəcə İran, İngiltərə və Türkiyədə olan bu saxsının dəyəri isə ölçülmür. Muzeyin sahibi Güray Tüysüz verdiyi açıqlamada “üzərində maral təsvir olunan bu saxsı İranda bir muzeydə, İngiltərənin paytaxtı Londonda yerləşən Bristish muzeyində və Türkiyədə isə sadəcə burada var. Bu əsər muzeyimizin ən sevilən parçalarından biridir. Çaydanlıq formasında bir qabdır. Bu böyük ehtimalla içərisindəki suyu və mayeni isitmək üçün istifadə olunub. bu əsər Van yaxınlığında bir qəsəbədə tapılıb. Tapan şəxs onu buraya qədər gətirib. Əsər təxminən 15 ildir bizdədir. Dəyəri bilinməyən bu qiymətli əsəri satmağı düşünmürük. Bu əsər muzeyimizə dəyər qatır” sözlərini deyib.