DİM Göyçayda kurikulumlar üzrə hazırlıq kursları keçirəcək
Dövlət İmtahan Mərkəzi 15 dekabr 2018-ci il tarixində saat 09:30-da Göyçay rayonunda (2 nömrəli tam orta məktəb; Əli Kərim 49) Azərbaycan dili, riyaziyyat, tarix, ingilis dili və biologiya fənlərindən yeni təhsil proqramları (kurikulumlar) üzrə qiymətləndirmə tapşırıqlarının hazırlanması və onların meyarlar əsasında yoxlanılmasına (marker) dair hazırlıq kursları təşkil edəcək.
AzNews.az xəbər verir ki, hazırlıq kurslarında yalnız elektron qeydiyyatdan keçmiş, ixtisası müvafiq fənlərə uyğun müəllimlər, metodistlər, pedaqoji yönümlü ali təhsil müəssisələrinin bakalavriat səviyyəsinin müvafiq fənn üzrə təhsil alan axırıncı kurs tələbələri və həmin müəssisələrdə təhsil alan magistrlar iştirak edə bilərlər.
Şərhlər
Şərhləri göstər Şərhləri gizlət