Dastin Porye Konor Makqreqorla qisas döyüşünün keçirilməsini istəyir
Amerikalı idmançı Dastin Porye UFC-nin yüngül çəkidə sabiq çempionu Konor Makqreqorla qisas döyüşü keçirmək istəyir.
"Report" xəbər verir ki, bu barədə o özünün "Twitter"dəki səhifəsində bildirib.
"Düşünürəm, indi mənimlə Konor arasında qisas döyüşü məna daşıyır", - deyə Porye "Twitter"də yazıb.
Xatırladaq, döyüşçülər 2014-cü il sentyabrin 27-də qarşılaşıblar. Döyüşdə Makqreqor texniki nokautla qalib gəlib.
Sentyabrın 7-də isə Porye Həbib Nurməhəmmədova uduzub. O, bu məğlubiyyətlə UFC-nin müvəqqəti çempion titulundan məhrum olub.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət