Çorlu Məhəmməd - Mən
Dərdim yandırır canımı,
Öz-özümə qadayam mən.
Dədə, abdal, dəli, dərviş,
Bir sirr dolu odayam mən.
Yurd xaraba, el dağılıb,
Açılan güllər soluxub.
Sinəm üstə dərd yığılıb,
Qan-yaş tökən didəyəm mən.
Məhəmmədin bağrı yara,
Vətənində düşüb dara,
Bir aşığam, bəxtiqara,
Oğlu ölən atayam mən.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət