Çempionlar Liqasında 1/8 final həyəcanı başlayır

Çempionlar Liqasında 1/8 final həyəcanı başlayır

Çempionlar Liqasının (ÇL) 1/8 final mərhələsinin oyunlarına start verilir.

Oxu.Az xəbər verir ki, bu gecə “play-off” mərhələnin ilk iki oyunu keçiriləcək.

Günün əsas qarşılaşması İngiltərənin “Mançester Yunayted” və Fransanın “PSJ” klubları arasında olacaq. Hər iki tərəf oyuna itkilərlə çıxacaq.

“PSJ” əsas qol silahları olan Edinson Kavani və Neymar, eləcə də, müdafiəçi Toma Mönyenin xidmətlərindən istifadə edə bilməyəcək. 

“Mançester Yunayted”də isə Antonio Valensiya, Markos Roxo, Matteo Darmian iştirak ərizəsinə salınmayacaq. 

Digər qarşılaşma isə İtaliyanın “Roma” və Portuqaliyanın “Porto” klubları arasında baş tutacaq. 

12 fevral

00:00. “Roma” (İtaliya) – “Porto” (Portuqaliya)

00:00. “Mançester Yunayted” (İngiltərə) – “PSJ” (Fransa)