Çəhrayı mirvari: dünyanın ən qeyri-adi almaları

Çəhrayı mirvari adi növlərdən tamamilə fərqlənir: daddan meyvə ətinin rənginə qədər.

Ens.az xəbər verir ki, “Sürpriz” adlı qədim ingilis növünün varisi olan ev almasının bu növünü 1944-cü ildə tanınmış seleksiyaçı Albert Etter hazırlayıb. Açıq rəngli meyvə əti olan alma qısa zamanda xaricdə populyarlıq qazandı və hazırda Kaliforniyanın qərb sahilləri, Oreqon və Vaşinqton ştatlarında yerləşən bağlarda yetişdirilir. Adətən onu avqustun sonundan payızın sonuna qədər toplayırlar. 

Çəhrayı mirvari bir qayda olaraq açıq şəhrayı və ya qırmızı rəngli xırda dənəli meyvə ətinə malikdir. Onun yarımşəffaf nazik qabığı gavalı, sarı və ya yaşıl rəngdədir və kiçik ağ nöqtələrlə örtülüb. 

Bu qeyri-adi alma çox ətirlidir və moruq və qreypfruta oxşayan büzüşdürücü şirin dada malikdir. Meyvələri az kalorili olması və çox su tərkibli olmasına görə fərqlənir. 

Büzüşdürücü dadı sayəsində Çəhrayı mirvari acı yeməklə uyğunlaşır. Məsələn: bu meyvələrin dilimlənmiş parçalarını balıq və donuz əti ilə birlikdə verirlər. Aşpazlar həmçinin qeyd edirlər ki, bu növün xırda dənəli meyvə əti alma püresi və şərbətin hazırlanması üçün uyğundur.