Bu il “qara cümə” olmayacaq?

Amerikanın əsas pərakəndə satıcıları “Qara Cümə” satışlarını ləğv edirlər

Qara Cümə günü Amerikalılar endirimlərlə onlayn alış-veriş etməli olacaqlar

ABŞ-ın ən böyük ticarət şəbəkələri olan Target və Walmart Şükranlıq günü qapalı olacaqlar. Buna görə, uzun illər ərzində ilk dəfə Şükranlıq günündən dərhal sonra Cümə günü saat 12: 00-dan başlayaraq "Qara Cümə" - geniş miqyaslı satış olmayacaq.

Ens.az-ın məlumatına görə, bu barədə The Dallas Morning News xəbər verir.

Target-in  bazar ertəsi günü elan etdiyi hərəkət bəzi ştatlarda koronavirusun yayılmasında yeni artımla əlaqələndirilir. Walmart eyni səbəbdən keçən çərşənbə axşamı Qara Cümə-nin ləğv olunduğunu elan etdi.

"Tarixən belə alınıb ki, alış-veriş və bayram alış-verişi gur izdihama səbəb olur və hazırda belə  durum üçün heç də  ən yaxşı il deyil"  Target tərəfindən yayılan bəyanatda deyilir. 

Birləşmiş Ştatların ən böyük və ən qədim pərakəndə satış şəbəkələrindən biri olan Macy's, qeyd etdi ki, onların mağazalar şəbəkələri Qara Cümə günlərində öz işlərini daha çox onlayn satışa yönəldəcəklər.

Qara Cümə 1952-ci ildən bəri ABŞ-da müntəzəm olaraq keçirilir. Target ilk olaraq 2011-ci ildə onlara qoşuldu.

Bu il satışlar 26 Noyabra düşəcək. Pərakəndə satış şəbəkələri rəhbərliyinin qəbul etdiyi qərar, ən azı Milad bayramına qədər ölkənin əlverişsiz bir epidemiya vəziyyətini gözlədiyini göstərir.

Mənbə: strana.ua