BMW yeni elektromobillər istehsal edəcək

İstehsalın flaqmanı beşinci və yeddinci seriya Sedanlarının "yaşıl" versiyaları olacaq.

BMW şirkəti 2030-cu ilədək doqquz yeni sıfır emissiya modelini özündə cəmləşdirən elektromobil istehsal edəcək. Bununla bağlı şirkət hazırlıq planını da açıqlayıb. "Power of Choice" planı çərçivəsində BMW 10 il müddətinə MINI markalı avtomobillər də daxil olmaqla 7 milyondan çox hibrid və tamamilə elektrikli avtomobillər satmağı planlaşdırır.

Ens.Az ted.az-a istinadən bildirir ki,  2030-cu ilə qədər sözügedən şirkət Audi, Jaguar, Lexus, Mercedes-Benz və Tesla kompaniyaları ilə rəqabətə girərək, elektromobil seqmentində lider olmaq niyyətindədir.

Bu hədəfə çatmaq üçün şirkət ildə ortalama hesabla 460 min "yaşıl" avtomobil satmalı olacaq. Bu rəqəm ötən ilin nəticələrindən xeyli çoxdur. O zaman BMW-nin sözügedən avtomobillərindən yalnız 42 min 249-u satılıb və hamısı i3, markanın ilk və indiyə qədər yeganə istehsal etdiyi elektrikli avtomobildir. Yeni tamamilə elektrikli modellərə iyul ayında təqdim olunan X3 krossoverinin iX3 elektrik versiyası daxil olacaq. 2021-ci ildə i4 beşqapılı kupe və iX adı verilən iNext konseptinin istehsal versiyası ilə birləşdiriləcək.

Bundan başqa, önümüzdəki illərdə X1 - iX1 və elektrik xəttinin flaqmanlarına çevriləcək yeni i5 və i7 elektromobillərinə əsaslanan kiçik bir krossover olacaq. Eyni zamanda, "ilk oğlu" olan i3 "hatchback", konveyerdən ayrılaraq adını 3 seriyalı sedana əsaslanan varisə ötürəcək. İki elektrikli avtomobil BMW-ə məxsus MINI markasının ad etiketi ilə istehsal ediləcək. Yeni modellər şirkətin hazırkı platformaları - FAAR və CLAR-da hazırlanacaq.