Bill Qeyts ideal inək yaratmaq istəyir
Amerikalı milyarder Afrikada yaşamağa qadir olacaq inək yaratmaq istəyən alimlərin araşdırmalarına sponsorluq edib.
Dünyanın ən varlı insanlarından biri olan Bill Qeyts alimlərə yeni inək cinsinin yaradılmasına kömək etmək istəyir. Business İnsider xəbər verir ki, bunun üçün o genetikanın araşdırılması ilə məşğul olan fonda 40 milyon dollar vəsait ayırıb.
Amerikalı milyarder Edinburq şəhərində yerləşən GALVmed adlı qeyri-kommersiya fonduna böyük vəsait köçürüb. Qeyts adi həyat dövründə 4 dəfə daha artıq süd verə biləcək “ideal inək” cinsinin yaradılmasında kömək etmək istəyir.
Həmçinin məlumat verilir ki, yeni heyvan növü yüksək temperatura dözümlü olacaq və Afrikada yaşaya biləcək. Hələlik alimlərin belə cinsi necə yaradacaqları barədə heç bir məlumat yoxdur.
Tərcümə: Famil Ələkbərov
Mənbə: Life.ru
Şərhlər
Şərhləri göstər Şərhləri gizlət