Beynəlxalq Telekommunikasiya İttifaqının baş katibi Azərbaycanın İKT sahəsində əldə etdiyi nailiyyətlərlə tanış olub

 Beynəlxalq Telekommunikasiya İttifaqının (BTİ) Cənubi Afrikanın Durban şəhərində keçiridiyi “ITU Telecom World” beynəlxalq sərgi-konfransı bu gün öz işini yekunlaşdırır. 

Bu barədə “Report”a Nəqliyyat, Rabitə və Yüksək Texnologiyalar Nazirliyinin mətbuat xidmətindən məlumat verilib.

Məlumata görəı, beynəlxalq sərgi-konfransda Azərbaycan rəsmi nümayəndə heyəti ilə təmsil olunur. 

Nazirliyin tərəfdaş olduğu sərgidə isə ölkəmizə məxsus Milli Pavilyon fəaliyyət göstərir. Azərbaycanda İKT sahəsində əldə edilən nailiyyətlərin, innovativ xidmətlərin, tətbiqlər və həllərin nümayiş olunduğu Milli Pavilyona ziyarətçilər böyük maraq göstərir. BTİ-nin baş katibi Houlin Cao sərgini ziyarəti çərçivəsində burada olub, təqdim olunan xidmət və layihələrlə maraqlanıb.

Nazir müavini Elmir Vəlizadə İKT sahəsində həyata keçirilən layihələr barədə ətraflı məlumat verib. Azərbaycan startapçıları tərəfindən təqdim edilən həllər baş katibin diqqətini cəlb edib.