Azərbaycan atalar sözləri - X hərfi
- Xain adam xoflu olar, kor ürkəyən.
- Xain xəyanətinin cəzasını mütləq çəkər.
- Xain qorxaq olar.
- Xal üzün bəzəyidir.
- Xala evinə dadanan, ər evində dayanmaz.
- Xalam bildi - aləm bildi.
- Xalını xovuna sığallarlar.
- Xalq gedər quş gətirər, Xanalı bayquş gətirər.
- Xalq kəsən barmaq qanamaz.
- Xalq qız verib quda qazandı, biz qız verib qada qazandıq.
- Xalq necə, biz də elə.
- Xalqa adətdir, bizə bidət?.
- Xalqa it hürəndə, bizə də çaqqal ulayar.
- Xalqın ağzını bağlamaq olmaz.
- Xalqın sədası, haqqın nidasıdır.
- Xallı üz göyçək olar.
- Xam dəmir döyülməz.
- Xamın gözü böyük olar.
- Xamır yeyənə etibar yoxdu.
- Xan qulluğuna gedən atlı gedər, piyada qayıdar.
- Xan məni dindirdi.
- Xana yaradı, bəyə yaradı, keçəl Xondi, sənə yaramadı?!
- Xanım sındıran qabın səsi çıxmaz.
- Xarabadan tüstü çıxmaz.
- Xasiyyətini bilmədiyin atın arxasına keçmə.
- Xata xata üstündən gəlməsə, bir xətaya nə var?
- Xeyir de, xeyir taparsan.
- Xeyir içində şərim olunca, şər içində xeyrim olsun.
- Xeyir ilə şər qardaşdır.
- Xeyir istə qonşuna, xeyir çıxsın qarşına.
- Xeyir iş yerdə qalmaz.
- Xeyrat halvasından qarın doymaz.
- Xeyri yoxdur çaxırın, içmə, açar paxırın.
- Xəbəri uşaqdan öyrən.
- Xəcalət düşmənin olsun.
- Xəmir suyu çox götürər.
- Xəncər çıxdı, qan çıxdı.
- Xəncər yarası gedər, dil yarası getməz.
- Xəncər yarası sağalar, namus yarası sağalmaz.
- Xəsis acgöz olar.
- Xəsis zalım olar.
- Xəsisdən alınan yumurtanın sarısı olmaz.
- Xəstə tələsər, armud vaxtında yetişər.
- Xəstə yatan ölməz, əcəli yetən ölər.
- Xəta insandan baş verər.
- Xəta məndən, əta səndən.
- Xiffəti qeyrətli edər.
- Xırman yellə sovuşar, düyün ellə.
- Xırmanın tozu bərəkətli olar.
- Xoruzun altından yumurta axtarır.
- Xoruzsuz da sabah açılar.
- Xoşrəftar ol, xoş gün görərsən.
Şərhlər
Şərhləri göstər Şərhləri gizlət