Azərbaycan atalar sözləri - K hərfi
- Kabab qanlı, igid canlı.
- Kababı köz öldürər, igidi söz.
- Kamal ata sözü deyil ki, irs ilə övlada keçə.
- Kamil adam az danışar.
- Kamil bağban çəkər bağın səfasın.
- Kamil bir palançı olsa da insan, Yaxşıdır yarımçıq papaqçılıqdan.
- Kamil insan kəlamından bəlli olar.
- Kamil ovçu boşuna güllə atmaz.
- Kar eşitdiyin, kor tutduğun buraxmaz.
- Kar eşitməz - yaraşdırar, kor görməz - quraşdırar.
- Kar iki dəfə gülər.
- Kar iti qurd aparar.
- Kar könlündəkini anlar.
- Kar üçün iki dəfə azan verilməz.
- Karın başına balta vurdular, dedi: bu nə taqqatuqdu.
- Kasıb at tapanda ot tapmaz, ot tapanda - at.
- Kasıb çıxarın bilsə, gündəliyə mahud geyər.
- Kasıb çıraq yandırar, dövlətlinin pulun sayar.
- Kasıb geyəndə - hardandı, - deyərlər, varlı geyəndə - mübarək.
- Kasıb itinin adını Gümüş qoyar.
- Kasıb oğurluğa çıxdı, Ay da bir yandan çıxdı.
- Kasıb öləndə molla xəstə olar.
- Kasıba bazarın tulası da hürər.
- Kasıbı dəvə üstə böv sancar.
- Kasıbın bir oğlu oldu, o da boynu əyri.
- Kasıbın danası dövlətlinin tayasına baxar.
- Kasıbın əlində qoğal gülməli görünər.
- Kasıbın günü - itin günü.
- Kasıbın malı başının altında gərək.
- Kasıbın oğlu olunca dövlətlinin qulu ol.
- Kasıbın sacı çörəyi qurtaranda qızar.
- Kasıbın toyunda gecə qısa olar.
- Keçəl baxar güzgüyə -adın qoyar özgəyə.
- Keçəl başa taxta daraq?!
- Keçəl başından qorxar, kor gözlərindən.
- Keçəl başını yudunmu? - Yudum da, daradım da.
- Keçəl dərman bilsə, öz başına sürtər.
- Keçəl düzünü desə də, başına qapaz dəyər.
- Keçəl gileyləndi ki, daraq bahalanıb.
- Keçəl halva yeyər, puluna minnət.
- Keçəl Həsən, Həsən keçəl, nə fərqi?
- Keçəl qız bacısının saçı ilə öyünər.
- Keçəl qız bəzənincə toy əldən getdi.
- Keçəl qız çeşmənin gözündən su içər.
- Keçəl qızı, saçlı deyib ağlama.
- Keçəl qızım saçlı deyib ağlar.
- Keçəl qızın nəyi var? Dəmirdən bir darağı.
- Keçəl suya getməz.
- Keçəl var - zığıdı keçəl, keçəl var - noxudu keçəl.
- Keçəl yaradı, öz başını daradı.
- Keçələ baxma, bəxtinə bax.
- Keçələ kosa qənim olsun.
- Keçəli gün çıxmamış gör.
- Keçəli Zülfəli çağırarlar.
- Keçəlin bəxti yaxşı olar.
- Keçəlin dırnağı olsa, öz başını qaşıyar.
- Keçəlin papağı düşənəcəndir.
- Keçəlin tükdən acığı gələr.
- Keçənə güzəşt deyərlər.
- Keçər bu dövran, sənə də qalmaz.
- Keçmişi oxumaq gələcəyi öyrənmək üçündür.
- Kələk ilə gələn küləklə gedər.
- Kəsək atana daş atarlar.
- Kəsək oturub daş üçün gün ağlayır.
- Kiçik olmayan yerdə böyük də olmaz.
- Kiminin əvvəli, kiminin axırı.
- Kimsə kimsənin nəsibin yeməz.
- Kiş-kiş ilə donuz darıdan çıxmaz.
- Kişi kişidən qorxmaz, amma utanar.
- Kişi öz sözünün ağası olar.
- Kişi seldir, arvad göl.
- Kişini tez qocaldar axşamdan yatan arvad.
- Kişinin hörməti öz əlindədir.
- Kişinin malı göz qabağında gərək.
- Kişinin sözü bir olar.
- Kişinin üzünə baxma, sözünə bax.
- Kor atı minən şahlıq iddiası elər.
- Kor atı minib köndələn çapır.
- Kor atın kor da nalbəndi olar.
- Kor atlanar öz ölkəsini çapar.
- Kor da bilir balıq şordu.
- Kor dəyəniyini bir dəfə itirər.
- Kor əlifə vav deməyib.
- Kor gözdən yaş ummazlar.
- Kor gözə sürmənin nə faydası var?
- Kor gözün sahibinə nə faydası?!
- Kor ilə çörək yeyəndə Allahı arada gör.
- Kor kimdir? - Nabələd.
- Kor kora kor deməsə bağrı çatlar.
- Kor kora necə baxar, Allah ikisinə də elə baxar.
- Kor qız toyda donunu tanıdı.
- Kor leyləyin yuvasını Allah öz əliylə yapar.
- Kor nə istər? - İki göz! Biri əyri, biri düz.
- Kor odu ki, düşdüyü quyuya bir də düşə.
- Kor ölər, adı qalar badamgöz.
- Kor tutduğun əldən qoymaz.
- Kor tutduğundan kəsər.
- Kor ya burda, ya Bağdadda.
- Kora gecə də, gündüz də birdir.
- Kora verirsən - mənə ver, şilə verirsən - mənə ver.
- Korlar ölkəsində çaşlar padşah olar.
- Könlü yemiş istəyən dolanar tağ başına.
- Könül bir şüşədir, sındırmaq olmaz.
- Könüldən könülə yol var.
- Könülə güc yoxdur.
- Könülsüz hürən köpək sürüyə qurd gətirər.
- Köpək köpəyin dayağıdı.
- Köpəyin duası yerinə yetsə, göydən gündə sümük yağar.
- Küçə iti ev qorumaz.
- Küldən təpə olmaz.
- Külü ocaqdan götür.
Şərhlər
Şərhləri göstər Şərhləri gizlət