Aşıq Şenlik - İstər
Yenə könül quşu pərvaz eyləmiş,
Dövr edib qonmağa bir budaq istər.
Bəzənib gözəllər göy çəmənlərdə,
Bəzəndə türfayə bir otaq istər.
Yağışda, yağmurda, qarda, boranda,
O dağlar eşqinə yanar bir yanda,
Yayın isti çağı bürkü vüranda,
Yanları yarpızlı bir bulaq istər.
Bəzən həddən aşar mənim məlalım,
Bəzən bulaq kimi durular falım,
Bir mələk eşqiylə Şenlik xəyalım,
Dünya yaşadıqca yaşamaq istər.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət