Aşıq Sədrəddin - Görə bilməzsən
Müxənnətin, dilbilməzin, naqisin,
Axtarma, vəfasın görə bilməzsən.
Nə kölgə düşəcək qanqal, qamışdan,
Sığınma, səfasın görə bilməzsən.
O qədər ürüyüb müxənnət, yağı,
Sovulub, boş qalıb mərdlərin bağı.
Kəsilib bu eldən köçün ayağı,
Durnasın, sonasın görə bilməzsən.
Sədrəddini bəndə salıb qəm yükü,
Nə qədər çoxalıb hiyləgər, tülkü,
Ləkələyir mərdi, dağıdır mülkü,
Onun kök-əsasın görə bilməzsən.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət