Aşıq Abbas Tufarqanlı - Oynar
Başına döndüyüm alagöz Pəri,
Öz-özünə qeyri halman oynar.
Cəvahir mətahı, dür xiridarı,
Tutubdu dəstində, ləlinən oynar.
Sənsiz görüm xarab qalsın bu bağı,
Şeyda bülbül nə zövq eylər, nə zağı,
Zülfü dal gərdəndə açıb məzağı,
Ağ üzü münəvvər, xalınan oynar.
Ay Abbas, Pərinin bəzi işləri,
Yorğun maral kimi xoş baxışları,
İncidən, sədəfdən, dürdən dişləri,
Ağzı süd, dodağı balınan oynar.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət