Aşıq Abbas Tufarqanlı - Olmaz
Bir gözəl oxladı məni,
Belə əbru-kaman olmaz.
Göydən huri mələk ensə,
Onun kimi qılman olmaz.
Kabab yanar közü ilə,
Danış yarın özü ilə.
Müxənnəslər sözü ilə,
Yar ha yardan yaman olmaz.
Aşıq Abbas yana-yana,
Yandı bağrım, döndü qana.
Bir namə yaz Tufarqana,
Daha səndən aman olmaz.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət