Aşıq Abbas Tufarqanlı - Gəlsin
Bizdən salam olsun arif olana,
Hər kəsin mənimlə varisə gəlsin.
Cəhənnəmi indi ona göstərrəm.
Hansı bəndə günahkar isə gəlsin.
Zalım bəndə, uyma bunca qeybətə,
Qeybət edən tez düşəcək zillətə,
İskəndəri kim göndərdi zülmətə?
Hər kim ondan xəbərdar isə gəlsin.
Qızılgül bəslənir xəndan içində,
Ənnabi ləblərin dəhan içində,
Abbasam, durmuşam meydan içində,
Kimə bu gen dünya dar isə gəlsin.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət