Apple şirkətinin ilk kompüteri auksionda satılacaq
Christie's adlı London auksion evi 1976-cı ildə buraxılan naidr Apple-1 kompüterini auksionda satmağı planlaşdırır.
Apple-1 Apple şirkətinin satışa çıxarılan ilk kompüter modelidir. Bu 1976-cı ildə baş verib və Christie’s-ə istinadən modelin 200 ədəd nüsxəsi hazırlanıb, onlardan ancaq 80 ədədi saxlanılır. Buraxılan zaman bu kompüterlər 666,66 dollara satılsa da 1977-ci ildə 475 dollara düşmüşdü. Hazırda Christie's auksion evi kompüteri 400-650 min dollar kimi qiymətləndirir (bu, kompüterin satıla biləcəyi təxmini qiymətdir. Auksion 16-23 may tarixində keçiriləcək).
1976-cı ildə stolüstü kompüterlər elə də geniş yayılmamışdı və müasir cihazlardakı funksiyalara malik deyildi. Buna baxmayaraq Apple-1-in rəqibləri də (məsələn: Altair 8800 kompüteri) var idi.
Şərhlər
Şərhləri göstər Şərhləri gizlət