![Abşeronda mağazadan 100 min manatlıq oğurluq: Hissə-hissə talayıb satdılar](https://ensiklopediya.az/images/news/abseronda-magazadan-100-min-manatliq-ogurluq-hisse-hisse-talayib-satdilar.jpg)
Abşeronda mağazadan 100 min manatlıq oğurluq: Hissə-hissə talayıb satdılar
Abşeron rayonunun Xırdalan şəhərində oğurluq hadisəsi qeydə alınıb.
Ens.az Oxu.az-a istinadən xəbər verir ki,bu barədə Daxili İşlər Nazirliyindən bildirilib.
Qeyd olunub ki, ərazidə yerləşən mağazalardan birinin sahibi ona məxsus anbardan 100 min manat dəyərində elektrik əşyalarının oğurlanması barədə polisə müraciət edib.
Abşeron Rayon Polis İdarəsinin əməkdaşlarının keçirdikləri tədbirlə hadisəni törədən Faiq Cəbiyev və Namiq Xanməmmədov saxlanılıblar. Araşdırmalarla müəyyən edilib ki, qabaqcadan əlbir olan F.Cəbiyev və N.Xanməmmədov işlədikləri mağazanın deposundan elektrik açarları, mis şinləri və elektrik naqillərini hissə-hissə talayıb satıblar.
Faktla bağlı Abşeron RPİ-nin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb. Araşdırmalar davam etdirilir.
Şərhlər
Şərhləri göstər Şərhləri gizlət