ABŞ dövlət katibi Navalnının ölümünə görə Rusiyanı günahlandırdı
“Rusiyalı müxalifət lideri Aleksey Navalnının həbsxanada ölümünə görə Rusiya hakimiyyəti məsuliyyət daşıyır”.
Ens.az Oxu.az-a istinadən xəbər verir ki,bu sözləri ABŞ dövlət katibi Antoni Blinken Almaniyada keçirilən Münhen Təhlükəsizlik Konfransı çərçivəsində deyib.
“Onun Rusiya həbsxanasında ölümü hakimiyyət sisteminin zəifliyini və çürüdüyünü göstərir”, - deyə Blinken bildirib.
“Biz Aleksey Navalnı ilə bağlı vəziyyətə görə narahatlıq keçirən bir çox başqa ölkələrlə danışıqlar aparacağıq”, - deyə ABŞ dövlət katibi qeyd edib.
“Əgər bu xəbərlər doğrudursa, onun həyat yoldaşına və ailəsinə başsağlığı veririk”, - deyə o, əlavə edib.
Qeyd edək ki, 19 il müddətinə azadlıqdan məhrum edilən və Yamalo-Nenetsk Muxtar Dairəsinin Karp qəsəbəsində yerləşən cəzaçəkmə koloniyasında həbs həyatı yaşayan rusiyalı müxalifətçi Aleksey Navalnı vəfat edib.
Mənbə: Qolos Ameriki
Şərhlər
Şərhləri göstər Şərhləri gizlət