ABŞ-dən kiberhücumlar barədə xəbərdarlıq

ABŞ-dən kiberhücumlar barədə xəbərdarlıq

ABŞ-nin Federal Təhqiqat Bürosu (FTB) Şimali Koreyalı xakkerlərin həssas kəşfiyyat və məlumat toplamaq üçün kiberhücumlarda e-poçt boşluğundan istifadə etdiyini və bununla bağlı ehtiyatlı davranılması lazım olduğunu bildirib.

Ens.az 525.az-a istinadən xəbər verir ki, FTB-nin verdiyi açıqlamada Şimali Koreyalı xakkerlərdən ibarət "Kimsuky" qrupunun üzvlərinin akademik institutlar və media qurumlarına fişinq e-poçtları göndərdiyi bildirilib.

Belə ki, xakkerlərin göndərdikləri elektron məktublarda özlərini jurnalist və ya akademik kimi təqdim etdiyi və müxtəlif vasitələrlə, xüsusən də səhv konfiqurasiya edilmiş domen ad sistemi (DNS) vasitəsilə öz kimliklərini gizlədə bildiyi vurğulanıb.

Qeyd edək ki, "Kimsuky"nin Şimali Koreya hərbi kəşfiyyat agentliyinin nəzdində işlədiyi təxmin edilir.