![ABŞ-da koronavirusa yoluxan azərbaycanlıların sayı açıqlandı - RƏSMİ](https://ensiklopediya.az/images/news/45ccfcc918282b18369de24d3c52030b.jpg)
ABŞ-da koronavirusa yoluxan azərbaycanlıların sayı açıqlandı - RƏSMİ
Azərbaycanın ABŞ-dakı səfirliyi fəaliyyətini xüsusi iş rejimdə davam etdirir. “Qaynar xətt” nömrələrinə daxil olan məlumatlara əsasən ABŞ-da yaşayan 17 azərbaycanlının koronavirusa yoluxduğu müəyyən edilib.
Ens.az xəbər verir ki, bu fikirləri “Report”un xüsusi müxbirinə açıqlamasında Azərbaycanın ABŞ-dakı səfirliyinin konsulu Emil Muradzadə deyib.
![](https://www.ens.az/images/uploads/74db14aed374adf3d58890ff134433da.jpg)
Konsul bildirib ki, virusa yoluxan həmvətənlərimizin vəziyyəti yaxşıdır və onlar artıq xəstəxanalarda müalicələrini yekunlaşdıraraq evə buraxılıblar: “ABŞ tərəfindən ölkə ərazisində koronavirusa yoluxan vətəndaşlarımızın sayı barədə səfirliyə rəsmi məlumat təqdim edilməyib. “Qaynar xətt”ə daxil olan zənglərə əsasən virusa yoluxan 17 həmvətənimizin 16-ı sağalıb, 1 nəfər isə vəfat edib. Vəfat edən şəxs Nyu-York ştatında torpağa tapşırılıb”.
![](https://www.ens.az/images/uploads/b99291323b371a75fb5afd8bc0eddfce.jpg)
E.Muradzadə mütəmadi olaraq səfirliyin və konsulluq şöbəsinin həmvətənlərimizlə əlaqədə olduğunu və onlara lazım olan bütün dəstəyi verdiyini bildirib: “Son vaxtlar “Qaynar xətt” nömrələrimizə daxil olan zənglər bir qədər səngisə də, müraciətlər yenə daxil olmaqdadır. Azərbaycandan daha çox övladları burada təhsil alan vətəndaşlar zəng edir, övladları ilə maraqlanırlar.
![](https://www.ens.az/images/uploads/cffe2513a77db2f16701639e7615bf76.jpg)
Digər tərəfdən ABŞ-dan ölkəmizə çarter reyslərin nə zaman təşkil olunacağı ilə bağlı xeyli müraciətlər alırıq və bu məsələnin həlli üzərində işləyirik. Bu günə qədər 200-dən çox vətəndaşımız internet vasitəsilə səfirliyin saytında müvafiq qaydada qeydiyyatdan keçib”.
![](https://www.ens.az/images/uploads/f375d59c0fb51e0395a21c33cfc5c33c.jpg)
Şərhlər
Şərhləri göstər Şərhləri gizlət