Kərbəlayı Abdulla Canı oğlu Canızadə - Şair, kimyagər.
Kərbəlayı Abdulla Canı oğlu 1782-ci ildə Şuşa şəhəridə doğulmuşdu. İbtidai təhsilini molla yanında almışdı. Sonra mədrəsədə oxumuşdu. Mədrəsə yoldaşlarından Mirzə Əzizinadı bəllidir. Şair idi. Öz adıyla rəvan təbli şeirlər yazırdı. Onun haqqında Mir Möhsün Nəvvab, Məhəmməd ağa Müctəhidzadə, Firidun bəy Köçərli öz əsərlərində söhbət açmışlar.
Təzkirəçi Mir Möhsün Nəvvab yazır: "Kərbəlayı Abdulla Canı oğludur və Qarabağın Şuşa qalasında sakin idi. Kəsbkarlıq da edərdi. Ağıllı bir adam idi və dövrünün ariflərindən hesab olunurdu. 1255-ci ildə (miladi 1839) sağ idi və təxminən 50 yaşı vardı. Bəzi qəribə elmlərlə maraqlanırdı. Eşitdiyimə görə, kimyanı məşq edirdi. O vaxtlar artıq səriştəsi də var idi".
Kərbəlayı Abdulla Canızadə Aşıq Səfi Valehlə yazışırdı. Kərbəlayı Abdulla 1840-cı ildə vəfat edib.
Kərbəlayı Abdulla Səfiyyə ilə ailə qurmuşdu. Əbdürrəhim, Əbdüləzim və Mehrəli adlı oğulları vardı.
Yaradıcılığı
Şərhlər
Şərhləri göstər Şərhləri gizlət