Abdulla Padarlı - A sayələndi

Abdulla Padarlı - A sayələndi təcnisi

Təşrifi-yarımın sədası gəldi,
Şikəstə çırağım a sayələndi.
Fuladi-qəm idim var içindəykən, 
Külli-şərarım a sayələndi.

Məst oluban durub ayağa, gedər, 
Şərabi-nabdan ayağa gedər,
Vaxt olu ki, bir gün ay ağa gedər,
O kimdir ki, haqdan a sayələndi?

Firqət dəryasında Tanrı dağıtdı,
Fəzlət meydanmda Tanrı dağıtdı. 
Nagəhan qəzadan Tanrı dağıtdı,
Ol dəm ki, səmadan a sayələndi.

Dedilər: yarımdan yox müşabehi, 
Dedim ki, yalandır, yoxmuş a behi, 
Görəydim aləmdə yoxmu şabehi, 
Abdullah, gülşənin a sayələndi.