Abbas Səhhət şeirləri - Ana və Bala şeiri
Oturmuş ana,
Basmış bağrına –
Nazlı körpəsin,
Layla der ona.
Uşaq yatmayır,
Baxır, ağlayır,
Anası onu
Bu cür oxşayır:
“Dağda darılar,
Sünbülü sarılar,
Qoca qarılar,
Bu balama qurban.
Dağda tağanlar,
Bir-birin boğanlar,
Oğlan doğanlar,
Bu balam qurban.
Bir bölük atlar,
Atlar göy otlar,
Ərsiz arvadlar,
Bu balama qurban.
Dağın maralı,
Gözü qaralı,
Dünyanın malı,
Bu balama qurban”.
Şərhlər
Şərhləri göstər Şərhləri gizlət