İtaliya XİN Fransanın anti-Azərbaycan mövqeyini sərt tənqid edib

İtaliya XİN Fransanın anti-Azərbaycan mövqeyini sərt tənqid edib

“Azərbaycanla Ermənistan arasında atəşkəs hər iki ölkənin məsuliyyəti sayəsində davamlı xarakter alıb. Lakin aydındır ki, bilavasitə tərəflərdən başqa, kənar qurumların nümayəndələrinin hər hansı bir bəyanatı gərginliyi artırma riski daşıyır”.

Ens.az Caliber.az-a istinadən xəbər verir ki, bunu İtaliyanın xarici işlər və beynəlxalq əməkdaşlıq nazirinin müavini Edmondo Çirielli deyib.

“BMT-nin İqlim Dəyişikliyi üzrə Çərçivə Konvensiyasının (COP29) Tərəflər Konfransının 29-cu sessiyasına ev sahibliyi edən Azərbaycan məsuliyyətli mövqe tutur. ABŞ dövlət katibi ilə birgə mətbuat konfransında Fransa xarici işlər nazirinin bəyanatları şübhəsiz ki, vəziyyəti sakitləşdirməyə kömək etmir. Fransalı nazir sağlam düşüncə ilə bölgənin sabitləşdirilməsinə doğru irəliləyən bir çoxlarının səylərinə zərər verməsəydi, daha uyğun və faydalı olardı”, - Cirielli yekunlaşdırıb.