1937-ci il freskasının üzərində əlində iPhone olan hindu aşkar edildi
İtalyan rəssam Umberto Romanonun 1937-ci il “Mister Pinçon və Sprinqfild kəndi” freskasında smartfon tapdılar. Buna Motherboard-da fikir veriblər.
Söhbət sağ hissədəki hindudan gedir. O əlində iPhone-u xatırladan dördbucaqlı əşyanı tutur. Əslində rəssamın nəyi əks etdirdiyi məlum deyil. Bu variantlar da var: güzgü, ülgüc və dua kitabı.
Şəkli həmçinin Maykl Todd Mayers Facebook-da paylaşıb. “Bu adam Twitter-də yazır?” – o yazıb. Şərh edənlərin birinin fikrincə qəhrəmanın əlindəki Samsung Galaxy S0 smartfonudur.
Əsərin süjeti əsasında inqilabdan əvvəlki dövrdə XVII əsrdə Amerikada baş verən yerli qəbilələrlə ingilis mühacirləri arasındakı müharibənin real hadisələri dayanır. Freska hazırda Massaçusets ştatının Birliyinin Dövlət binasında yerləşir.
Müəllif: Famil Ələkbərov
Şərhlər
Şərhləri göstər Şərhləri gizlət