Bu gün məşhur azərbaycanlı dirijor və bəstəkar Niyazi Tağızadə – Hacıbəyovun doğum günüdür
Bu gün məşhur azərbaycanlı dirijor və bəstəkar Niyazi Tağızadə – Hacıbəyovun doğum günüdür.
Oxu.Az xəbər verir ki, Azərbaycanın Xalq artisti Niyazi Zülfüqar oğlu Tağızadə - Hacıbəyov 1912-ci il avqustun 20-də Tiflis şəhərində dövrünün tanınmış bəstəkarı Zülfüqar Hacıbəyovun ailəsində anadan olub.
Çox kiçik yaşlarından ətrafında məşhur xanəndələr görən Niyazidə musiqiyə böyük maraq oyanıb. O, ilk təhsilini Bakı Musiqi Texnikumunda alıb, sonra təhsilini davam etdirmək üçün Moskva və Leninqrad (indiki Sankt-Peterburq) şəhərlərinə gedib.
SSRİ Xalq artisti, Sosialist Əməyi Qəhrəmanı, SSRİ Dövlət Mükafatı laureatı, Azərbaycan Lenin komsomolu laureatı, Beynəlxalq Nehru mükafatı laureatıdır. Niyazinin ifaçılıq fəaliyyəti daha çox Opera və Balet Teatrı ilə bağlıdır. O, 1937-1948, 1951-1952-ci illərdə teatrın dirijoru, bədii rəhbəri və baş dirijoru olub. 1979-cu ildən filarmoniyanın direktoru vəzifəsində çalışıb.
Azərbaycan milli dirijorluq məktəbinin formalaşması Niyazinin adı ilə bağlıdır. Onun yozumunda milli bəstəkarların bir çox əsərləri, o cümlədən Ü.Hacıbəylinin “Koroğlu” operası dünya musiqisinin qızıl fonduna daxil olub.
Niyazi 1984-cü ildə avqustun 2-də Bakı şəhərində vəfat edib.
Pərviz Hüseyn
Şərhlər
Şərhləri göstər Şərhləri gizlət