Zelenski şoumen olduğu dövrlərdə birlikdə işlədiyi yoldaşlarına hökumətində vəzifə verir

“Xalqın xidmətçisi” adlı məşhur komediya proqramında prezident obrazını canlandıran Ukraynanın yeni prezidenti Vladimir Zelenski ekranlarda qurduğu dövlət strukturunu gerçək həyata da tətbiq edir.

Publika.az xəbər verir ki, Zelenski şoumen olduğu dövrlərdə komediya proqramlarında birlikdə işlədiyi yoldaşlarına hökumətində vəzifə verir.

Onun “Kvartal 95” əyləncə şirkətinun uzun müddətdir birinci prodüseri vəzifəsini icra edən Sergey Trofimov birinci vitse-prezident olub. “Xalqın xidmətçisi” adlı proqramın əməkdaşı Yuri Kostyuka isə hökumətdə önəmli vəzifə verilib.

Zelenski uşaqlıq, məhəllə və məktəb dostu olan “Kvartal 95”in ortağı İvan Bakanovu Ukrayna Təhlükəsizlik Xidməti rəhbərinin birinci müavini təyin edib. Bakanov Korrupsiyaya qarşı mübarizə departamentini idarə edəcək və bürokratların vəzifəsindən sui-istifadə edib-etmədiyini araşdıracaq.

Zelenskinin bu siyasəti davam etdirməsi gözlənilir.