Yumurtadan ehtiyatlı olun!

Ağdamda iki nəfər yumurtadan zəhərlənib. Həmin şəxslər qida zəhərlənməsi diaqnozu ilə xəstəxanaya yerləşdiriliblər. Gündəlik istifadə etdiyimiz yumurtadan zəhərlənmə hansı səbəbdən baş verə bilər. Qida Təhlükəsizliyi Agentliyinin mütəxəssisi belə xoşagəlmaz hallarların olmaması üçün nələrə diqqət yetirmək lazım olduğunu açıqlayıb.

Yumurta yedilər, zəhərləndilər.

Ağdamda iki nəfər qida zəhərlənməsi diaqnozu ilə xəstəxaya yerləşdirilib.Baharlı qəsəbə sakinləri -32 yaşlı Tahir Abdullayev və 10 yaşlı Camal Qasımov nahar yedikdən sonra səhhətləri pisləşib.

Yaxınlarının verdiyi məlumata görə yedikləri yumurta dükandan alınıb.

Qida Təhlükəsizliyi Agentliyinin keyfiyyətə nəzarət şöbəsinin aparıcı mütəxəssisi Cavidan Quliyev bəzi məqamlara diqqət etməyin vacib olduğunu bildirib.

Cavidan Quliyev bildirdi kı, xoşagəlməz halların baş verməməsi üçün yumurtanın saxlanma şəraiti və düzgün istehlak olunmasına dıqqət yetirmək lazımdır.

Yumurtadan zəhərlənən Tahir Abdullayev və Camal Qasımova xəstəxanada tibbi yardım göstərildikdən sonra evə buraxılıblar.