Yol Polisi dövlət atributlarını maşınlara yapışdırmağı yolverilməz hesab edir

Yol Polisi dövlət atributlarını maşınlara yapışdırmağı yolverilməz hesab edir

Baş Dövlət Yol Polisi İdarəsi sürücülərə və avtomobil sahiblərinə müraciət edib. İdarədən SİA-ya bildiriblər ki, son zamanlar avtomobillərin ban şüşələrinə dövlət gerbinin təsvirinin yapışdırılması halları tez-tez müşahidə olunur. Bu da Azərbaycan Respublikasının Dövlət gerbi haqqında Əsasnaməyə ziddir.

Bununla bağlı Baş Dövlət Yol Polisi İdarəsi sürücülərin nəzərinə çatdırır ki, dövlət atributunun təsvirinin nəqliyyat vasitələrinin üzərinə yapışdırılması və bu şəkildə istifadə olunması yolverilməzdir. Dövlət atributlarından yalnız xüsusi operativ nəqliyyat vasitələrində, dövlət təşkilatlarına məxsus avtomobillərdə istifadəsi mümkündür. Dövlət atributlarına hörmətlə yanaşmaq Azərbaycan Respublikasının hər bir vətəndaşının borcudur.