Yeni "Samsung Galaxy Watch" saatları 8 GB yaddaşa malik olacaq
Ens.az xəbər verir ki, Cənubi Koreyanın "Samsung" şirkətinin buraxmağa hazırlaşdığı gələcək "ağıllı" saatlar haqqında yeni məlumatlar sosial şəbəkələrdə yayılmağa başlayıb.
Bir müddət əvvəl Galaxy Watch 2 ağıllı xronometrinin işığı görə biləcəyi məlum olmuşdu. Bu cihazın Galaxy Watch-da olan fırlanan bezel, ürək döyüntülərini ölçən sensor və NFC modulunu davam etdirəcəyi güman edilir.
Məlum olub ki, yeniliyin bir neçə modifikasiyası buraxılış üçün hazırlanır. Onlar SM-R840 / 845 və SM-R850 / 855 təyinatları altında görüncəklər. Aydındır ki, söhbət korpusları müxtəlif ölçüdə olan cihazlardan gedir. Ölçülərin 42 mm və 46 mm arasında dəyişəcəyi bildirilir.
Yeni məhsulun 8 GB daxili flash yaddaşa malik olacağı bildirilir. Bu, orijinal modellə müqayisədə iki dəfə çoxdur.
Yeni saatın rəsmi təqdimatı bu ilin ikinci yarısında baş tuta bilər. Yeniliyin avqust ayında növbəti nəsil Galaxy Note-in flaqman fableti ilə debüt edəcəyi mümkündür.
Şərhlər
Şərhləri göstər Şərhləri gizlət