Yazıçıoğlunun helikopterini F-16 vurub? – Şok iddia

FETÖ lideri Fətullah Gülənin 2009-cu ilin 25 martında öldürülən Türkiyə Böyük Birlik Partiyasının sədri Möhsün Yazıçıoğlu ilə bağlı aparılan istintaqın bağlanmasını tələb etdiyi ortaya çıxıb.

Axar.az xəbər verir ki, bununla bağlı FETÖ-nun Elazığ vəkillərinin rəhbəri Abdullah Öndər prokurorluğa verdiyi ifadəsində bildirib.

Öndər ifadəsində Yazıçıoğlunun olduğu helikopterin üstündən F-16 təyyarəsinin uçmasından bəhs edib:

“2014-cu ildə məktəblərin bağlanıldığı zaman Elazığ nümayəndələri olaraq İzmirə getdik. Kolleclərin birində bir F-16 maketi var idi. Oradakı birifinq zamanı bunun Yazıçıoğlunun helikopterinin üzərindən keçən F-16-nın maketi olduğunu dedilər. Hətta o təyyarəni idarə edənin də bizdən biri olduğu bildirildi. Mənim təcrübələrimə görə, bu hadisə tamamilə FETÖ/PDY silahlı terror təşkilatının işidir. Bu günə kimi kimsəyə inanmadığım üçün danışmadım. Dosyenin yenidən açıldığını mətbuatdan öyrəndikdən sonra sizə müraciət etdim. “Baylok” (ByLock) yazışmaları və HTS qeydləri gətirilərsə, dediklərimin doğru olduğu sübuta yetiriləcək”.