Yaponiyada valideynlərə uşaqlarını döymək qadağan edilib
Yaponiyanın Nazirlər Kabineti uşaqların müdafiəsi haqqında qanuna əlavə dəyişiklikləri təsdiq edib. FaktXəbər bildirir ki, bu barədə "The Japan Times" yazıb.
Nəşrin yazdığına əsasən, yeni qanun uşaqların nizam-intizamını təmin etmək məqsədilə cəzalandırılmasına qarşı tədbirləri sərtləşdirir. Qadağa xüsusilə valideyn, qəyyum və sosial xidmətin əməkdaşlarına şamil olunur və uşaqlara qarşı hər hansı fiziki güc tətbiqini qadağan edir.
Qeyd edək ki, qaununa edilən düzəliş aprelin 1-dək qüvvəyə minəcək. Ölkədə uşaqlara qarşı fiziki zorakılığın qadağan edilməsi ilə bağlı qanun layihəsinin hazırlanması 10 yaşlı Mi Kuriharinin evində ölü tapılmasından sonra başlayıb. Belə ki, azyaşlı valideynləri tərəfindən zorakılığa məruz qlaması barədə müraciətlər etsə də, buna cavab verilməyib. 10 fevral tarixində isə azyaşlı atası tərəfindən hamamda qətlə yetirilib.
Şərhlər
Şərhləri göstər Şərhləri gizlət