Xəzinə axtarırdı, 15-ci əsr kralına aid qiymətli əşya tapdı

Xəzinə axtarırdı, 15-ci əsr kralına aid qiymətli əşya tapdı

İngiltərədə xəzinə axtaran qiymətli, bir bu qədər də sürpriz əşya ilə qarşılaşıb. Linkolnşir qraflığından olan macəraçı qadın kral IV Eduardın papaq sancağını tapıb.

Bizimyol.info xəbər verir ki, 42 yaşlı Liza Qreys XV əsrə aid qiymətli əşya aşkar edib. Ona metalaxtaran cihazın köməyi dəyib. Bir az qazandan sonra daş-qaşla bəzənmiş papaq sancağını görüb. Liza tez dostlarının yanına tələsib. Sonra tapıntını mütəxəssislərə göstəriblər. Əşyanın IV Eduarda məxsus olduğu üzə çıxıb. Kral bunu döyüşlərin birində itiribmiş.

İndi əşyaya həm kolleksionerlər, həm də muzeylər böyük maraq göstərməyə başlayıb.

Papaq sancağına görə 10-15 min funt sterlinq (13-19,5 min dollar) təklif olunur.