Ümumdünya Karate Federasiyası sentyabrdakı yarışı da ləğv etdi
Ümumdünya Karate Federasiyası (WKF) daha iki yarış barədə qərar verib.
Oxu.Az xəbər verir ki, 11-13 sentyabr tarixlərində CAR-ın Durban şəhərində keçirilməli olan A Seriyalı turnir koronavirus səbəbindən ləğv olunub.
Qeyd edək ki, yanvarda Çilinin paytaxtı Santyaqoda A Seriyalı turnir keçirilsə də, aprelin 2-də İstanbuldakı yarışın (19-21 iyun) ləğv edilməsi haqqında qərar verilmişdi.
WKF daha bir yarışı təxirə salıb. Xorvatiyanın Poreç şəhərində Gənclər Düşərgəsi (29 iyun – 2 iyul) və Gənclər Liqası (3-5 iyul) təxirə salınıb.
Xatırladaq ki, WKF martın 13-də Bakıda keçirilməsi planlaşdırılmış 55-ci Avropa çempionatının (25-29 mart) ləğv edildiyini açıqlamışdı.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət