Türkiyə aviaşirkəti Rusiyada sərnişindaşımada birinci olub
Türkiyənin “Atlasglobal” aviaşirkəti Rusiyada sərnişindaşımada xarici aviaşirkətlər arasında birinci olub.
AZƏRTAC “airporthaber.com”a istinadla xəbər verir ki, aviaşirkət bu ilin avqust ayının son həftəsində 17 min sərnişin daşıyaraq Rusiyada ümumilikdə dördüncü, xarici aviaşirkətlər arasında isə birinci yerdə qərarlaşıb. Ötən ilin müvafiq dövrünə nisbətən 70 faiz artım qeydə alınıb.
Rusiyada sərnişin daşınmasında ilk yerdə yerli şirkət “Aeroflot”, ikinci “S7 Airlines”, üçüncü sırada “Ural Airlines” mövqe tutub.
Həmçinin “Türk Hava Yolları” 8-ci, “Onur Air” isə 9-cu pillədə qərarlaşıb.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət