Topdansatışla məşğul olanlara aministiya verilir – Mallar haqqında məlumat verin,...

“Vergi qanunvericiliyinə edilən əlavə və dəyişikliklərdən sonra biz topdan satışla məşğul olanlar üçün aministiya elementlərini görürük”.

“Marja”nın məlumatına görə, bunu Vergilər Nazirliyinin Vergi siyasəti departamentinin baş direktoru Samirə Musayeva bildirib.

Onun sözlərinə görə, indiyədək 6% sadəlşdirilmiş vergi ilə işləyən topdan ticarət fəaliyyətilə məşğul olan sahibkarlara bir növ aministiya verilir. Onalara qanunla müəyyən olunmuş müdətdə sahib olduqları  malları vergi orqanına bəyan etmək təklif olunur:

“İndiyədək 6%-lik sadələşdirilmiş vergi ilə işləyən topdan ticarətçilərin sahibliyində küllü miqdarda mallar var. Əslində həmin mallara münasibətdə vergi orqanı bir növ aministiya tətbiq edir. Qanunun keçid müddəasında heç bir şey yazılmasaydı, vergi orqanı ciddi vergi nəzarəti ilə alış sənədinin olub-olmamasından asılı olmayaraq həmin malların satışında əlavə dəyər vergisini ümumi məbləğdən hesablaya bilərdi. Amma qanunun keçid müddəası imkan verir ki, ilkin uçot sənədi olmasa belə, hətta qanunu pozaraq belə əldə edilibsə, həmin mallar haqqında qanunla müəyyən olunmuş forma və müddətdə məlumat verilsin. Əgər həmin mallar haqqında məlumat verilsə, sonradan həmin məhsulların şəfaf şəkildə təqdim olunmasından (satışından) vergi alış-satış qiymətləri arasındakı fərqdən (ticarət əlavəsindən) hesablanacaqdır. Bu da əslində qanunda aministiyanın bir elementidir”.