Timsah Gena, Çeburaşka və poçtalyon Peçkin personajlarının müəllifi vəfat edib
Sovet və Rusiya yazıçısı, ssenariçisi, "Timsah Gena" və "Prostokvaşinoda tətil" kimi uşaq kitablarının müəllifi olan Eduard Uspenski 81 yaşında vəfat edib.
“Report” xəbər verir ki, Uspenski avqustun 14-ü axşam Yeni Moskvadakı evində keçinib.
Yazıçı son illərdə ağır xəstəlikdən əziyyət çəkirdi. Avqustun əvvəlində Almaniyada müalicədən sonra ölkəsinə qayıdıb. Dramaturq avqustun 9-da evdə özünü pis hiss edərək huşunu itirib.
Uspenski uşaqlara Timsah Gena və Çeburaşka, pişik Matroskin, Fyodor dayı, poçtalyon Peçkin, köpək Şarik və s kimi personajlar bəxş edib. Həmçinin o, "Spokoynoy noçi, malışi!" ("Gecəniz xeyirə qalsın, körpələr") verilişinin yaradıcılarından biri olub.
Şərhlər
Şərhləri göstər Şərhləri gizlət