Teleaparıcı tank hazırladı
Məşhur britaniyalı motoyürüşçü və teleparıcı Qay Martin dünyanın ilk tanklarından biri olmuş "Mark IV" tam, dəqiq sürətini hazırlayıb.
Milli.Az Daily Mail-ə istinadən bildirir ki, Channel 4 telekanalında çalışan 36 yaşlı teleaparıcı 30 ton ağırlığındakı tankı "Deborah 2" adlandırıb.
Martinin dediyinə görə, "Mark IV" tankının xeyli orijinal detallarını tapa bilsə də, mühərrik qismində 1975-ci ildə istehsal olunmuş "Rolls-Royce" mühərrikindən istifadə etməli olub.
Tankın çertyojları Birinci Dünya Müharibəsində çəkilimiş fotolar əsnasında hazırlanıb. Sürət də eynən orijinalda olduğu kimi, 6 km/saatdır.
Qay Martinin dediyinə görə, "Deborah 2" ilə Fransanın şimalındakı Kambre bölgəsinə, "Mark IV" tanklarının ilk dəfə döyüşə girdiyi məkana yollanmaq niyyətindədir.
Tankın hazırlanması 5 ay çəkib.
Qay Martin Linkolnşirdə, ötən əsrin əvvəllərində mühəndis Uilyam Fosterin layihəsi əsasında ilk tankların hazırlandığı bölgədə doğulub.
"Mark IV" tankları 1917-ci ilin noyabrın 20-də ilk döyüşlərinə girmişdilər.
Şərhlər
Şərhləri göstər Şərhləri gizlət