Şvartsenegger Trampı “ bişmiş makaroncuq” adlandırdı

Şvartsenegger Trampı “ bişmiş makaroncuq” adlandırdı

Moderator.az xarici mətbuata istinadən xəbər verir ki, ABŞ prezidenti Trampı Rusiya prezidenti Putinlə görüşündən sonra  vətənində hərtərəfli tənqid atəşinə tutublar. Hollivud ulduzu və keçmiş qubernator Arnold Şvartseneggerin tənqidi isə xüsusi kəskinliyi və ironiyası ilə fərqlənir.

 

“ Prezident Tramp, elə indicə Sizin Putinlə mətbuat konfransınızı gördüm, buna baxmağa adam utanır, siz orda balaca bişmiş makaroncuq, balaca fanat kimi durmuşdunuz”- o, ABŞ prezidentinə Twitter səhifəsində müraciət edib. 

Aktyorun sözlərinə görə, o gözləyirdi ki, Tramp indicə Putindən avtoqraf xahiş edəcək, ya da Rusiya lideri ilə selfi çəkdirəcək.

 

Şvartseneggerin fikrincə bu hərəkətilə ABŞ prezidenti  Rusiya hökümətini ABŞ prezident seçkilərinə müdaxiləyə cəhddə ittiham edən ədliyyə nazirliyini pis vəziyyətə salıb.

 

Vladimir Putinlə Donald Trampın Helsinkidəki görüşü 3 saat 50 dəqiqə çəkib, liderlər açıq söhbət aparıb, həm də təkbətək danışıblar. Onlar iki ölkə arasında qarşılıqlı əlaqələri müzakirə ediblər.

Eyni zamanda gündəmdəki  beynəlxalq məsələlərə də toxunulub: Suriya konfliktinin nizamlanması, uzaq və orta mənzilli raketlərin ləğvi, nüvə silahının yayılmaması razılaşmasına əməl etmək, İran və Ukrayna mövzuları da danışıqların mövzusu olub.

 

Mənbə: Moderator.az