Soğan-sarımsaqdan hazırlanmış məlhəm müasir antibiotiklərdən güclü çıxdı

Soğan-sarımsaqdan hazırlanmış məlhəm müasir antibiotiklərdən güclü çıxdı

Nottingem Universiteti (Böyük Britaniya) alimləri IX əsrə aid olan təbabət kitabından göz məlhəminin reseptini tapıb və bu məlhəmi hazırlayıblar.

Qədim məlhəmin tərkibinə müəyyən miqdarda soğan, sarımsaq, çaxır və öküz ödü daxil idi.

Saglamolun.az xəbər verir ki, xarici mətbuatın məlumatına görə, alimlər məlhəmi müxtəlif mikroblar üzərində test ediblər. Eksperiment nəticəsində məlum olub ki, bu məlhəm antibiotiklərin təsirinə davamlı olan 90% bakteriyaları məhv edib. Məlhəm hətta ən davamlı bakteriyalardan biri sayılan qızılı stafilokokka qarşı effektli olub.

Məlhəmin antibakterial təsiri alimləri heyran edib.

Alimlərin sözlərinə görə, bir çox digər qədim məlhəmlər mövcuddur ki, onlar da infeksion xəstəliklərinə qarşı çox effektlidir.