Səudiyyə Ərəbistanı Rusiya silahlarını almaqdan imtina edir

Ens.az bildirir ki, neft məsələsindəki ixtilaflar Moskva ilə Ər-Riyad arasında ikitərəfli hərbi-texniki əməkdaşlığa da təhlükə yaradıb. Əgər ilin əvvəlində Səudiyyə Ərəbistanını hakimiyyəro Rusiyanın Pantsir-S1M hava hücumundan müdafiə sistemlərini almaq niyyətində olduğunu bildirmişdisə, indi müqavilə şübhə altına alınıb .

Səudiyyəlilərin bir neçə ay əvvəl neft sənayesinə yönəlmiş potensial hücumların qarşısını almaq üçün güclü Rusiya silahlarına ehtiyacı var idi.

2019-cu ilin oktyabrında Vladimir Putin Səudiyyə Ərəbistanına səfər etdi. Görüşdə tərəflər S-400 sistemlərinin tədarükü barədə razılığa gəldilər. Ancaq müqavilənin şərtləri hələ yerinə yetirilməyib.

Səudiyyə Ərəbistanının rəhbərliyi Rusiyanın hava hücumundan müdafiə sistemlərini almaqla yanaşı, bu cür silahların öz ölkələrində istehsalına icazə almaq istəmişdi.

Qətərin MEE nəşri dövlət başçıları arasında yüksək tonda keçən telefon danışığına dair məlumatları yayımlayıb. Jurnalistlərin iddiasına görə, vəliəhd şahzadə Məhəmməd ultimativ formada Putindən neft hasilatını azaltmağı tələb edib.

Qeyd edək ki, beynəlxalq bazarda ucuz xammal bolluğu içərisində ABŞ lideri Donald Tramp, Səudiyyə liderlərinə qiymətlərin düşməsi üçün bir dərs verəcəyi ilə təhdid etmişdi. Bunun üçün Amerika prezidenti ölkəyə qarşı sanksiyalar tətbiq etmək niyyətindədir.

Mənbə: argumenti.ru