Şair Məmmədhüseyn - Qayıtdı
Bir maral balası, tərlan cilvəli,
Gəldi, məni gördü, baxdı, qayıtdı.
Pünhanı göstərdi gül camalını,
Tər üzünə şəbnəm axdı, qayıtdı.
Mən görmüşəm gözəllərin çoxunu,
Belə olmaz amma boyu-buxunu.
Müjganından çəkdi xatəm oxunu,
Yaralı sinəmə çaxdı, qayıtdı.
Gözləyərkən gözlərimə sataşdı,
Müjgan könlüm eşq oduna alışdı.
Şəhrahidan qıyqac baxıb ötüşdü,
Məmmədhüseyni oda yaxdı, qayıtdı.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət