Şair Aydın - Endi
İki dağın arasından,
Gördüm bir cüt maral еndi.
Biri eşqin həvəsindən,
Biri yardan yaral еndi.
Xına yaхıb əllərinə,
Şana çəkib tellərinə,
Gümüş kəmər bellərinə,
Heyif bizdən aral еndi.
Əsmə badi-səba, əsmə,
Yar meylini bizdən kəsmə,
Biri Dursun, biri Məsmə,
Aydın deyər, bunlar еndi.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət