Şah İsmayıl Xətai - Könül bir yarı sevdi kim, pəridir
Könül bir yarı sevdi kim, pǝridir,
Cahan içrǝ gözǝllǝr sǝrvǝridir!
Boyu bağ içrǝ sǝrvi-nazǝ bǝnzǝr,
Yanağı hǝmçü vǝrdi-ǝhmǝrdir.
Yüzüdür nisbǝti-xurşidi-taban,
Fǝlǝkdǝ mah onunçün Müştǝridir.
Yüzü sǝhni-gülüstan içrǝ güldür,
Saçının buyi müşki ǝnbǝridir.
Kim onun vǝslinǝ bir dǝm irişsǝ,
Cǝmii mülki-alǝmdǝn bǝridir.
Saçının rǝngidir, çün leylǝtülqǝdr,
Cǝmali-nuri-şǝmsi-xavǝridir.
Əzǝldǝn anu sevdim canü dildǝn,
Sağınmasun ki, eşqim sǝrsǝridir.
Baxıb heyran olur Hüsnünǝ alǝm,
Xǝtai xǝstǝnin ol dilbǝridir.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət